سوال

میں نے بکرا منڈی سے ایک بکرے کا بچہ لیا تھا، اس کے ایک کان میں آپریشن کے سٹیچز کے نشان لگے ہوئے ہیں، شاید کوئی زخم ہوا تھا، پھر اسے بھرنے کے لیے سی دیا گیا ہے۔ کیا اِس بکرے کی قربانی ہوسکتی ہے؟

جواب

بکرے کا کان اگر کٹا ہوا نہیں ہے، بلکہ کٹے ہوئے کان کو سینے کے بعد صرف اس کا نشان رہ گیا ہے تو شرعاً اس کی قربانی درست ہے بشرطیکہ قربانی کے وقت  ایک سال عمر پوری ہوچکی ہو۔

فتاویٰ شامی میں ہے:

ومقطوع أكثر الأذن لو ذهب بعض الأذن  ... إن كان كثیرًا یمنع وإن یسرًا لایمنع.

(۹/۴۶۸ ، زکریا ، و۹/۳۹۲ ، کتاب الأضحیۃ )

فقط واللہ اعلم