سوال

جو لوگ اس دنیا میں نہیں رہے ان کو قرآن پاک یا کلمہ پڑھ کر بخشنے سے ان کو اس کا ثواب ملتا ہے یا نہیں ؟ یا جو ہم دعا مانگتے بس وہی پہنچتی ہے ؟

جواب

جس طرح میت کے حق میں دعا کرنا میت کے لیے مفید ہے، اسی طرح قرآن مجید کی تلاوت کر کے یا کلمہ طیبہ پڑھ کر اس کا ثواب میت کو بھیجنا بھی میت کے لیے مفید ہے، ایسا کرنے سے  اس کا ثواب میت کو پہنچ جاتا ہے۔

حدیث شریف میں ہے :

"من دخل المقابرفقرأ سورۃ یس خفف اللہ عنھم یومئذ و کان له بعدد من فیھا حسنات."

(اتحاف السادۃ من حدیث أنس10/373)

البحر الرائق میں ہے:

"والأصل فیه أن الإنسان له أن یجعل ثواب عمله لغیره صلاةً أو صوماً أو صدقةً أو قراءة قرآن أو ذکراً أو حجاً أو غیر ذلك عند أصحابنا بالکتاب والسنة".

( البحرالرائق، کتاب الحج، باب الحج عن الغیر، ٣/ ٥٩)

فقط واللہ اعلم