سوال

قریش نے نبی کریم صلی اللہ علیہ وسلم کے ساتھ کیا سلوک کیا؟

جواب

نبی کریم صلی اللہ علیہ وسلم کی مکی زندگی میں قریش کے ان لوگوں نے، جو ایمان نہیں لائے آپ صلی اللہ علیہ وسلم کے لیے مشکلات اور رکاوٹیں کھڑی کیں۔ جب آپ صلی اللہ علیہ وسلم مدینہ منورہ تشریف لے گئے تو آپ صلی اللہ علیہ وسلم اور مسلمانوں کے خلاف محاذ آرائی بھی کی۔ بالآخر فتح مکہ کے موقع پر اللہ نے آپ صلی اللہ علیہ وسلم کو قریش سمیت تمام قبائل پر غالب کردیا، باقی قریش کے جو افراد مسلمان ہوگئے تھے، انہوں نے جناب نبی کریم صلی اللہ علیہ وسلم کے ساتھ  ہر قسم کی جانی و مالی قربانیاں بھی دیں اور قدم بہ قدم آپ کا بھرپور ساتھ بھی دیا۔

تفصیل کے لیے سیرت کی مستند کتابوں کا مطالعہ مفید ہوگا جن میں مولانا ادریس کاندھلوی صاحب کی ’سیرتِ مصطفی‘ ہے۔

فقط واللہ اعلم