سوال

قرآن کو مقامات میں پڑھنا کیسا ہے؟

جواب

قرآن کریم کی تلاوت  عموماً سات لہجات میں سے کسی ایک میں کی جاتی ہے، لہجات کے اس علم  کو "علم النغمات "اور "علم المقامات "بھی کہا جاتا ہے۔ علم المقامات کا سیکھنا اور اس کے موافق قرآن کریم کی تلاوت کرنا نہ صرف جائز ہے،  بلکہ شرعی اعتبار سے مستحسن بھی ہے۔البتہ قرآن کریم کی تلاوت میں صرف یہی لہجات مقصود نہ ہوں، بلکہ اس کے  ساتھ  ساتھ تجوید کے اصول وقواعد کا بھی  خصوصی خیال رکھا جائے، نیز اصل مقصود تجوید کے ساتھ قرآن کریم کی تلاوت ہے، اس لیے لہجات کے استعمال کی صورت میں تجوید کے خلاف تلاوت  کی اجازت نہیں ہوگی۔

اس موضع  سے متعلق  مزید تفصیل کے لیے ماہ نامہ بینات میں شائع شدہ درج ذیل مضمون ملاحظہ فرماسکتے ہیں :

علم النغمات یا قرآن کریم کے لہجات کا فن

فقط واللہ اعلم