قرآن مجید کے بعد ساری دنیا میں سب سے صحیح کتاب کون سی ہے؟
قرآن کریم کے بعد کسی کتاب کا "اصح الکتب" ہونا منصوصی نہیں ہے، مختلف اَدوار اور علاقوں کے مشائخ نے اپنے اپنے ذوق کے مطابق مختلف کتب کے بارے میں یہ رائے قائم کی ہے، مثلًا اہلِ حجاز کی رائے یہ ہے کہ قرآنِ کریم کے بعد اصح الکتب "موطا امام مالک" ہے، علامہ ابن صلاح و دیگر شوافع علماء رحمہم اللہ کے ہاں "أصحّ الکتب بعد كتاب اللّٰه" کا لقب بخاری شریف کے لیے مختص ہے، جب کہ مغاربہ کی رائے میں "مسلم شریف" کو اصح الکتب کا درجہ حاصل ہے۔ فقط واللہ اعلم
فتوی نمبر : 144109201004
دارالافتاء : جامعہ علوم اسلامیہ علامہ محمد یوسف بنوری ٹاؤن