مجھے 3 مئی کو طلاق ہوئی میرا سابقہ شوہر مہر دینے سے انکاری تو نہیں ہے مگر مالی حالات کی وجہ سے دے نہیں پا رہا ان کا کہنا ہے کہ 3 اقساط میں دے دوں گا تو کیا یہ صحیح ہے ؟
صورت مسئولہ میں سائلہ کا جتنا مہر مقرر ہوا تھا وہ سائلہ کے شوہر کے ذمہ لازم ہے اور مہر سائلہ کا حق ہےلیکن اگر سائلہ کا شوہر مالی حالات کی وجہ سے یکمشت ادا نہیں کرسکتا تو سائلہ کی رضامندی سے تین قسطوں میں ادا کرنا جائز ہے۔
فتاوی عالمگیری میں ہے:
"والمهر يتأكد بأحد معان ثلاثة: الدخول، والخلوة الصحيحة، وموت أحد الزوجين سواء كان مسمى أو مهر المثل حتى لا يسقط منه شيء بعد ذلك إلا بالإبراءمن صاحب الحق، كذا في البدائع."
(کتاب النکاح , الفصل الثاني فیما یتأکد به المهر و المتعة جلد 1 ص: 303 , 304 ط: دارالفکر)
فقط واللہ اعلم
فتوی نمبر : 144411102591
دارالافتاء : جامعہ علوم اسلامیہ علامہ محمد یوسف بنوری ٹاؤن