سوال

بائع اور مشتری کے درمیان بیع قسطوں کی صورت میں ہوگئی ،جس میں  نقدی کی بنسبت  ثمن  زیادہ ہے،لیکن مشتری کے پاس ایک قسط ادا کرنے کے بعد روپے آ گئے 

اب مشتری ساری ثمن  ایک ساتھ دینا چاہتا ہے مگر بائع سے ثمن کے کم کرنے کا مطالبہ کرتا ہے، اب بائع اگر ثمن  میں کچھ کمی کرے تو بیع کے فاسد یا منافع کے حرام ہونے کا کوئی مسئلہ تو نہیں ہوگا؟

جواب

 کسی بھی چیز کی خرید و فروخت چاہے نقد کی صورت میں ہو یا قسطوں کی شکل میں اس میں اس بات کا لحاظ رکھنا ضروری ہے کہ جو رقم معاملہ کرتے وقت  متعین ہوجائے وہی رقم وصول کی جائے گی۔قسط کی ادائیگی میں تاخیر پر اس متعین کردہ رقم سے زائد وصول کرنے کی شرط لگانا یا قسط جلدی ادا کرنے پر اس سے کم رقم وصول کرنے کی شرط لگانااور اسی طرح خریدار کا  ساراثمن  ایک ساتھ  اس شرط کےساتھ  بائع    کودیناکہ وہ مقررہ  ثمن  میں کمی کردے یہ سب صورتیں  ناجائز ہیں۔

لہذا صورتِ مسئولہ میں خریدار   کایہ شرط لگانا کہ اگربائع     ثمن  میں کچھ کمی کرےاوررعایت دے تو وہ  سارا ثمن  ایک ساتھ اداکردےگایہ شرط جائز نہیں ۔  البتہ   اگر  ایسی کوئی شرط نہیں لگائی  گئی اور  بیچنے والا خود بغیر کسی شرط کے اس رقم میں رعایت کر نا چاہے  تو کر سکتا ہے۔

الهداية  مع شرح فتح القدیر "میں ہے:

فقط واللہ اعلم