سوال

 چار رکعات قضاء نماز میں آخری دو رکعت میں سورۃ الفاتحہ کے ساتھ کوئی اور سورۃ ملانی ہے یا نہیں؟  بعض علماء فرماتے ہیں کہ فرض نماز وقت پر ادا نہ کرنے کی وجہ سے وہ نماز نفل بن جاتی ہے لہذا قضاء بھی نفل کی طرح چاروں رکعات میں سورۃ ملا کر پڑھنا  ضروری ہے،  کیا یہ بات درست ہے؟

جواب

واضح ہو کہ فرض نماز وقت میں ادا نہ کی ہو تو اس کی قضا کرنا فرض ہے لہذا صورت مسئولہ میں اگر چار رکعت والی نماز کی قضا کی جارہی ہو تو تیسری اور چوتھی رکعت میں صرف سورۂ فاتحہ پڑھی جائے گی، اس کے ساتھ اور کوئی سورت نہیں ملائی جائے گی۔

فتاوی شامی میں ہے:

"(وقضاء الفرض والواجب والسنة فرض وواجب وسنة) لف ونشر مرتب."

(كتاب الصلاة، باب قضاء الفوائت، ج2، ص66، سعيد)

فقط واللہ اعلم