سوال

میرا سوال یہ ھے کہ مجھ پر کچھ دکانداروں کا اور کچہ دوستوں کا قرض ہے ،اب مجھے وہ قرضہ اداکرناھے۔ تمام لوگوں کاقرضہ مجھے یاد نہیں ہے کہ کتنا ہے لیکن اندازہ کے مطابق جمع کیا جائے تو چار ہزار کی رقم بنتی ہے، اب ان لوگوں کو تلاش کرنا مشکل ہے، تو یہ قرض کیسے ادا کیا جائے؟ اگر ان کی طرف سے صدقہ کی نیت کرکے ادا کیا جائے تو کیا قرضہ ادا ہوجائیگا؟

جواب

پہلے تو ان لوگوں کو تلاش کریں جن کی رقم سائل کو ادا کرنی ہے، تلاش کے باوجود بھی نہ ملیں تو پھر ان کی طرف سے قرض کے بقدر رقم صدقہ کردیں، اور بالفرض بعد میں ان قرض خواہوں میں سے کوئی مل جائے اور وہ اس صدقہ کی اجازت نہ دے تو اسکی رقم اس کوواپس کرنا ہوگی۔ اس صورت میں وہ صدقہ سائل کی طرف سے ہوجائیگا۔ واللہ اعلم