سوال

میں  نے کرایہ پر تجارت کیلئے دکان لیا ہے، ہر مہینہ اس کا کرایہ اداکرتا ہوں، لیکن دکان کے مالک کو پچاس ہزار روپے پیشگی بھی دینا پڑاہے،اور یہ پچاس ہزار میں نے قرضہ لےکر دکان کے مالک کو دیا ہے، کیا زکات نکالتے وقت اس پچاس ہزار روپے قرض کو بھی شامل کرکے زکوٰۃ اداکرنا پڑےگا ؟رہنمائی فرمادیجیے۔

جواب

صورتِ مسئولہ میں سائل نے جو رقم  قرض لے کر بطور ایڈوانس مالکِ مکان کو دی ہے،سائل نے اگر واقعۃً یہ رقم کسی سے قرضۃ لے کر ادا کی ہے اور تاحال ہ قرضہ واپس نہیں کیا، تو سائل پر  قرض کےان  پچاس ہزار  روپوں   میں زکات لازم نہیں۔

فتح القدیر میں ہے:

"( ومن كان عليه دين يحيط بماله فلا زكاة عليه ) وقال الشافعي : تجب لتحقق السبب وهو ملك نصاب تام .
ولنا أنه مشغول بحاجته الأصلية فاعتبر معدوما كالماء المستحق بالعطش وثياب البذلة والمهنة ( وإن كان ماله أكثر من دينه زكى الفاضل إذا بلغ نصابا ) لفراغه عن الحاجة الأصلية ، والمراد به دين له مطالب من جهة العباد حتى لا يمنع دين النذر والكفارة ".

(كتاب الزكات،ج:2،ص:160،ط:دارالفکربیروت)

فقط والله أعلم