سوال

کوئی شخص با جماعت نماز کے دوران آخری تشہد میں شامل ہو تو کیا باجماعت نماز کا مکمل ثواب ملے گا؟

جواب

صورت مسئولہ میں اگر کوئی شخص قعدہ اخیرہ میں شریک ہوتا ہے تو اس کو جماعت کا ثواب تو مل جائے گا مگر اس شخص کی طرح ثواب نہیں ملے گا جو شروع سے امام کے ساتھ شریک ہو اوراسے امام کے ساتھ  تکبیر اولی  بھی  ملی ہو۔

البحر الرائق میں ہے:

"فظاهر كلامهم أن من أدرك الإمام في التشهد فقد أدرك فضلها."

(کتاب الصلوۃ , باب إدراک فریضة الصلوۃ جلد 2 ص: 82 ط: دارالکتاب الإسلامي)

وفیہ ایضا:

"وفي غاية البيان ‌أن ‌المسبوق يكون مدركا لثواب الجماعة لكن لا يكون ثوابه مثل ثواب من أدرك أول الصلاة مع الإمام لفوات التكبيرة الأولى."

(کتاب الصلوۃ , باب ادراک فریضة الصلوۃ جلد 2 ص: 82 ط: دارالکتاب الاسلامي)

فقط واللہ اعلم