سوال

ایک آدمی کا گھر قبرستان سے ملا ہوا ہے آنے جانے کا راستہ قبرستان میں سے  ہے اب یہ شخص آنے جانے کے راستے کی زمین خریدنا چاہتا ہے اس کا کیا حکم ہے دوسری بات یہ کہ اس زمین کو لیکر اپنی دوسری زمین دینا چاہتا ہے جو قبرستان کے دوسرے کنارے پر ہے اس کا کیا حکم ہے؟

جواب

صورت مسئولہ میں مذکورہ قبرستان کے راستے  کی زمین کو خریدنایا اس کے بدلہ راستہ کے لیے دوسری زمین دینا  جائز نہیں ۔

 فتح القدیرمیں ہے:

"وعندهما: حبس العين على حكم ملك الله تعالى؛ فيزول ملك الواقف عنه إلى الله تعالى على وجه تعود منفعته إلى العباد؛ فيلزم، ولا يباع ولا يوهب ولا يورث."

(فتح القدير للكمال ابن الهمام: 6 / 203 کتاب الوقف، ط: دار الفکر)

فتاوی شامی میں ہے:

"شرط الواقف كنص الشارع، أي في المفهوم والدلالة ووجوب العمل به."

(فتاوی شامي: کتاب الوقف، 4 / 433 ط: سعید)

فقط واللہ اعلم