سوال

ہمارا گھر قبرستان کے ساتھ ہے اور ہمارے کمرے کی کھڑکیاں بھی قبرستان کی طرف کھلتی ہیں،  کیا مغرب کے بعد وہ کھڑکیاں نہیں کھولنی چاہییں؟  اور کیا ہمارا گھر سیف ہے یا پھر یہاں رہنا مناسب نہیں؟  قبرستان میں ہماری فیملی کے لوگ دفن نہیں ہیں، مجھے اس بارے میں گائیڈ کردیں!

جواب

قبرستان کے قریب رہائش اختیار کرنے میں  اور مغرب کے بعد کھڑکیاں کھلی رکھنے میں شرعًا کوئی حرج  نہیں ہے۔ گھر میں حفاظت کے مسنون اعمال (سورۂ بقرہ  کی تلاوت اور منزل وغیرہ پڑھنے)  کا اہتمام کیجیے۔ اس کے باوجود اگر گھر میں کوئی بات واضح طور پر خلافِ معمول محسوس ہو تو کسی مستند و متبعِ شریعت عالم  سے براہِ راست ملاقات کرکے راہ نمائی لے لیجیے۔ فقط واللہ اعلم