قاری یعنی قاعدہ ناظرہ حفظ پڑھانے والا افضل ہے یا پھر درس نظامی کی کوئی سی بھی کتاب صرف نحو بخاری شریف تمام کتب کے پڑھانے والا افضل ہے؟ مفصل مدلل اور متفقہ رائے بتاکر مشکور فرمائیں ۔
واضح رہے کہ کسی بھی عمل میں افضلیت(ثواب کادار مدار) عمل کرنے والے کے اخلاص پر مبنی ہے ،جس میں جتنا اخلاص ہوگا وہ اتنا ہی افضل ہوگا،لیکن قرآن کریم اوراس کے متعلقہ علوم پڑھانے والا حدیث کی رو سے افضل ہے، بشرطیکہ یہ عمل اخلاص اور لِلّٰہیت کے ساتھ انجام دیتاہو۔
حدیثِ مبارک میں ہے:
"خَیْرُکُمْ مَنْ تَعَلَّمَ الْقُرْآنَ وَ عَلَّمَه."
تم میں سے بہتر وہ ہے، جو قرآن سیکھے اور سکھائے۔"
(بخاری، کتاب فضائل القرآن، باب خَیْرُکُمْ مَنْ ۔۔ 3/410، حدیث5028)
فقط واللہ اعلم
فتوی نمبر : 144310101137
دارالافتاء : جامعہ علوم اسلامیہ علامہ محمد یوسف بنوری ٹاؤن