سوال

استعمال شدہ پہنے ہوئے پرانے کپڑے جو کسی کو دینے کے قابل بھی نہیں تو ایسے کپڑوں کو قینچی سے کاٹ کر صافی بنانا یا پھینک دینا یا جلا دینا ٹھیک ہے؟

جواب

بصورتِ مسئولہ اگر مذکورہ استعمال شدہ کپڑوں کو کاٹ کر استعمال میں لایا جاسکتا ہے، مثلاً صافی، پوچا وغیرہ بنایا جاسکتا ہے تو ضائع کرنے (مثلاً جلانے دفنانے) سے بہتر ہے کہ اسے استعمال کیا جائے، حضوراکرمﷺ نے  قابلِ استعمال مال کو ضائع کرنے سے منع فرمایا ہے۔

مرقاة المفاتيح شرح مشكاة المصابيح میں ہے:

"وعن المغيرة قال: قال رسول الله صلى الله عليه وسلم: «إن الله حرم عليكم عقوق الأمهات ووأد البنات ومنع وهات. وكره لكم قيل وقال وكثرة السؤال وإضاعة المال» . متفق عليه".

(باب البر والصلة، ج:9، ص:136، ط: مكتبه حنيفيه )

فقط و الله أعلم