سوال

 کیا موت کی اطلاع پوسٹر کے ذریعے دینا جائز ہے؟

جواب

 موت کی اطلاع  کسی بھی جائز ذریعے جیساکہ موبائل میسج، واٹس ایپ، پوسٹر وغیرہ کے ذریعے دینا جائز ہے، البتہ اس کا لحاظ ضروری ہے کہ اس میں کسی جان دار کی تصویر  یا اور کوئی ناجائز  چیز کا اشتہار نہ ہو۔

 حدیث شریف میں اس گناہ پر سخت وعید آئی ہے:

’’صحیح البخاري‘‘: '' [عن] عبد اللّٰه قال : سمعت النبي ﷺ یقول : ’’ إن أشد الناس عذاباً عند اللّٰه المصورون ‘‘.

(۲/۸۸۰ ، کتاب اللباس ، باب عذاب المصورین یوم القیامة ، صحیح مسلم : ۲/۲۰۱ ، کتاب اللباس ، باب تحریم صورة الحیوان)

ترجمہ: رسول اللہ ﷺ کا ارشاد ہے کہ  اللہ تعالی کے ہاں سب سے سخت عذاب تصویر بنانے والوں کو ہوگا۔

فقط واللہ اعلم