اگر کسی شخص نے پورے گھر والوں کی طرف سے قربانی کی تو اداہوگی یا نہیں؟
ہر صاحبِ نصاب عاقل بالغ مسلمان کے ذمے قربانی کرنا واجب ہے، لہذا گھر میں متعدد صاحبِ نصاب افراد ہونے کی صورت میں تمام گھر والوں کی طرف سے گھر کے سربراہ کی ایک قربانی کرنا کافی نہیں ہے، بلکہ گھر کے ہر صاحبِ نصاب فرد پر اپنی اپنی قربانی کرنا واجب اور لازم ہے، گھر کے کسی ایک فرد کے قربانی کرنے سے باقی افراد کے ذمہ سے واجب قربانی ساقط نہیں ہوگی، البتہ اگر گھر کے ایک ہی فرد پر قربانی واجب ہو اور وہ ایک قربانی سے نیت تو اپنے واجب کی ادائیگی کی کرے اور ثواب میں سب گھر والوں کو شامل کرلے تو یہ شرعًا جائز ہے۔ فقط واللہ اعلم
تفصیل کے لیے درج ذیل لنک پر جامعہ کا فتویٰ ملاحظہ فرمائیں :
کیا سارے گھر والوں کی طرف سے ایک قربانی کرنا کافی ہے؟
فتوی نمبر : 144212200600
دارالافتاء : جامعہ علوم اسلامیہ علامہ محمد یوسف بنوری ٹاؤن