سوال

اگر کسی عورت کا شوہر مشت زنی کرتا ہو اور زنا بھی کرچکا ہو اور عورت کو مارتا بھی ہو تو۔ کیا عورت ان سب اسباب کی بنا  پر خلع لے سکتی ہے؟

جواب

شوہر کی مشت زنی کی وجہ سے تو بیوی کو حق خلع حاصل نہیں ہے اور اگر شوہر بیوی  کی پٹائی کرتا ہو تو ایسے اشخاص سے جو شوہر کو روکنے پر قدرت رکھتے ہوں یا حاکم سے شکایت کا حق حاصل ہے،  اگر شوہر کسی طرح باز نہ آتا ہو یا بدکاری کا مسلسل مرتکب ہوتا ہو  اور عورت کے لیے نباہ ممکن نہ ہو تو خلع کا مطالبہ کرسکتی ہے، مگر ان امور کی وجہ سے جب تک شوہر کی رضامندی نہ ہو بیوی کو یک طرفہ خلع لینے کا حق نہیں ہے۔ فقط واللہ اعلم