گھر عورت کے نام تھا عورت کا انتقال ہو گیااب شوہر ،ایک بیٹے اور دو بیٹیوں میں گھر کی مالیت پچاس لاکھ روپے کی تقسیم کیسے ہو گی؟
صورتِ مسئولہ میں مرحومہ کے ترکہ کی تقسیم یہ ہے کہ سب سے پہلے تجہیزو تکفین کا خرچہ نکالنے کے بعداگر مرحومہ کے ذمہ قرض ہو تو اس کو ادا کر نے کے بعد ،اگرمرحومہ نے کوئی جائز وصیت کی ہو تو اس کو ایک تہائی میں سے نافذ کیا جائے گا، اس کے بعد کل جائیداد منقولہ و غیر منقولہ کوسولہ حصوں میں تقسیم کیا جائے گا، اس میں سے چار حصے شوہر کو ، چھ حصے بیٹے کو ، ہر ایک بیٹی کو تین ،تین حصے ملیں گے۔
صورت تقسیم یہ ہے :
میت 16/4
شوہر | بیٹا | بیٹی | بیٹی |
4 | 6 | 3 | 3 |
یعنی پچاس لاکھ روپے میں شوہر کو 1250000روپے ،بیٹےکو 1875000روپے،اور ہر ایک بیٹی کو 937500روپے ملیں گے۔
فقط واللہ اعلم
فتوی نمبر : 144310101039
دارالافتاء : جامعہ علوم اسلامیہ علامہ محمد یوسف بنوری ٹاؤن