ایک آن لائن کمپنی ہے ’’پے سلیش‘‘ (pay slash)، اس میں ہم نے پیسے لگائے ہیں، ہمیں اس سے روزانہ کے حساب سے پیسے ملتے ہیں، کبھی چھ فیصد، کبھی سات فیصد اور کبھی آٹھ فیصد ملتا ہے، ابھی میں شش و پنج میں مبتلا ہوں کہ یہ حلال ہے یا حرام؟ میرے پاس کچھ فتوی بھی ہیں وہ بھی آپ کے واٹساپ پر بھیج دیتا ہوں، آپ اپنا واٹساپ نمبر بتا دیں۔
مذکورہ کمپنی کے ساتھ طے پانے والے معاہدے کی مکمل تفصیل بھیج دیتے تو واضح اور متعینہ جواب دینے میں آسانی ہوتی۔
بہرحال اگر مذکورہ کمپنی آپ کو متعینہ طور پر روزانہ کی بنیاد پر آپ کے لگائے ہوئے پیسوں کی مقدار کا چھ فیصد، یا ساتھ فیصد یا آٹھ فیصد منافع دیتی ہے تو یہ منافع سود کے زمرے میں آئے گا، اس لیے اس کمپنی میں سرمایہ کاری کرنا جائز نہیں ہے۔ اگر اس کے علاوہ کوئی اور صورت ہے تو مکمل وضاحت کے ساتھ ارسال کیجیے۔
یہاں واٹس ایپ پر رابطے کی سہولت نہیں ہے، اسی ویب سائٹ پر سوال ارسال کردیجیے، یا درج ذیل ای میل پر دیگر فتاویٰ وغیرہ کی پی ڈی ایف / پکچرز کے ساتھ مکمل سوال وہیں لکھ بھیج دیجیے:
فقط واللہ اعلم
فتوی نمبر : 144112201682
دارالافتاء : جامعہ علوم اسلامیہ علامہ محمد یوسف بنوری ٹاؤن