سوال

ورزش کے وقت آسانی کے لیے پینٹ شرٹ پہننا کیسا ہے اور اس کا کیا حکم ہے؟

جواب

پینٹ شرٹ  صلحاء کا لباس نہیں ہے،  اس لیے مسلمانوں کو  چاہیے کہ  صالحین، دین دار، اور نیکوکاروں کے لباس کو اختیار کریں، اور فساق وفجار اور کفار کے لباس اور طور طریق سے حتی المقدور پرہیز کریں۔

 ورزش کی غرض سے ایسی پتلون  پہننا جس میں اعضاءِ مستورہ کی نمائش  اور ہیئتِ کذائی خوب واضح ہوتی ہو، ناجائزہے۔ البتہ کوئی ایسا لباس جو ڈھیلا ہو اور اعضاء کی نمائش نہ ہوتی ہو، تو ورزش  کے وقت اسے پہننے کی اجازت ہے۔

ایک حدیثِ مبارک میں ہے:

’’إن هذه من ثیاب الکفار فلاتلبسھا‘‘.

(مسلم، ج:۳،ص:۱۶۴۸، باب النہی عن لبس الرجل الثوب المعصفر، ط: دار إحیاء التراث)

’’یعنی یہ کافروں کے(جیسے)کپڑے ہیں ، پس ان کو نہ پہننا۔‘‘

فقط واللہ اعلم