میری بیٹی کے ناک میں میر ی بہن نے 5دن کی عمر میں اپنے دودھ کے چند قطرے ڈالے تھے؛ کیوں کہ ناک بند تھی، اور اس وقت اس کے بیٹے کی عمر 16مہینےتھی، اب وہ میری بیٹی کا رشتہ اپنے بیٹے سے کرنا چاہتی ہے، کیا ان کا رشتہ ہوسکتا ہے؟
صورتِ مسئولہ میں آپ کی بہن نے آپ کی 5 دن کی بیٹی کی ناک میں دودھ کے چند قطرے ڈالے اور وہ دودھ کے قطرے اندر اتر گئے تو اس سے رضاعت ثابت ہوجائے گی، اس سے آپ کی بہن آپ کی بیٹی کی رضاعی ماں بن جائے گی، اور اس کا بیٹا اس لڑکی کا رضاعی بھائی بن جائے گا، اس لیے ان دونوں کا آپس میں نکاح جائز نہیں ہے۔
فتاوی عالمگیری میں ہے:
"وكما يحصل الرضاع بالمص من الثدي يحصل بالصب والسعوط والوجور كذا في فتاوى قاضي خان. "
(1 / 344، کتاب الرضاع، ط: رشیدیہ)
فقط واللہ اعلم
فتوی نمبر : 144111201724
دارالافتاء : جامعہ علوم اسلامیہ علامہ محمد یوسف بنوری ٹاؤن