سوال

اگر کسی نے پان نہ کھانے کی قسم کھائی، اور پھر اس نے چھالیہ یا کوئی سُپاری وغیرہ کھالی ،تو کیا اس کی قسم ٹوٹ جاۓ گی؟

جواب

صورتِ مسئولہ میں مذکورہ شخص کے چھالیہ یا کوئی سُپاری کھانے کی وجہ سے وہ حانث نہیں ہوگا،کیوں کہ عرف میں چھالیہ ،سُپاری کو پان نہیں کہا جاتا۔

المبسوط للسرخسی میں ہے:

"الأيمان ‌مبنية ‌على العرف والعادة فما تعارف الناس الحلف به يكون يمينا، وما لم يتعارف، الحلف به لا يكون يمينا."

(كتاب الأيمان، ج:8، ص:133، ط:دار المعرفة)

بدائع الصنائع میں ہے:

"والأصل أن اليمين متى تعلقت بعين تبقى ببقاء العين وتزول بزوالها."

(كتاب الأيمان، ج:3، ص:62، ط:دار الكتب العلمية)

فقط واللہ أعلم