مجھے ایک شادی شدہ عورت سے محبت ہوگئی تھی، تقریباً 13 سال پہلے کی بات ہے، میں نے اس کے ساتھ زنا تو نہیں کیا، مگر اس کے چہرے، پیٹ اور سینے کو چوما ہے، اب اس کی بیٹی سے نکاح ہو سکتا ہے میرا؟
واضح رہے کہ جس طرح حرمتِ مصاہرت جماع کے ذریعے ثابت ہوتی ہے، اسی طرح کسی عورت کو شہوت سے کسی حائل کے بغیر چھونے یا بوسہ لینے سے بھی ثابت ہوجاتی ہے،لہذا صورتِ مسئولہ میں آپ نے جس عورت کے ساتھ مذکورہ کام کیا ہےاس کی بیٹی آپ کے لیے ہمیشہ کے لیے حرام ہوچکی ہے اور اس کےساتھ آپ کا نکاح درست نہیں۔ نیز جو گناہ ہوا اس سے سچی توبہ و استغفار بھی آپ پر لازم ہے، نیز مذکورہ عورت سے رابطے سے بھی اجتناب کیجیے۔
فتاوی شامی میں ہے:
"(و) حرم أيضاً بالصهرية (أصل مزنيته) أراد بالزنا في الوطء الحرام (و) أصل (ممسوسته بشهوة) ولو لشعر على الرأس بحائل لايمنع الحرارة (وأصل ماسته وناظرة إلى ذكره والمنظور إلى فرجها) المدور (الداخل) ولو نظره من زجاج أو ماء هي فيه (وفروعهن)".(23/3)
فقط واللہ اعلم
فتوی نمبر : 144110201758
دارالافتاء : جامعہ علوم اسلامیہ علامہ محمد یوسف بنوری ٹاؤن