سوال

اگر آخری عشرہ میں شک ہو کہ حیض آسکتا ہے،حیض کی تاریخ تو ہے مگر یہ بھی شک ہو کہ حیض میں تاخیر بھی ہو سکتی ہے تو اس صورت میں کیا سنت اعتکاف میں بیٹھنا درست ہے یا نہیں؟

جواب

ماہواری شروع ہونے کے خدشہ کے باوجود عورت اعتکاف میں بیٹھ سکتی ہے،اگر دورانِ اعتکاف عورت کے ایام شروع ہوجائیں تو اعتکاف ٹوٹ جائے گا، ایسی حالت میں عورت اعتکاف چھوڑدے، اور بعد میں روزہ کے  ساتھ ایک دن کے اعتکاف کی قضا کرے، سال کے جن دنوں میں روزے رکھنا منع ہے، اس کے علاوہ کسی  دن مغرب سے دوسرے دن کے غروب آفتاب تک ایک  دن  رات  کے  اعتکاف کی قضا کرنی ہوگی۔

بدائع الصنائع  (2/ 116) :

"ولو حاضت المرأة في حال الاعتكاف فسد اعتكافها؛ لأن الحيض ينافي أهلية الاعتكاف لمنافاتها الصوم، ولهذا منعت من انعقاد الاعتكاف فتمنع من البقاء". 

فقط واللہ اعلم