کیا مسجد کی صفائی کے لیے عورت مسجد جاسکتی ہے?
مسجد کی صفائی کرنا سعادت کا کام ہے، لہذا اگر بے پردگی وغیرہ کی قباحت نہ ہوتو عورت پاکی کے ایام میں مسجد کی صفائی کے لیے جاسکتی ہے، کتبِ حدیث میں موجود ہے کہ رسول اللہ ﷺ کے دور میں ایک خاتون مسجدِ نبوی کی صفائی کیا کرتی تھیں ۔
فتاوی رحیمیہ میں ہے:
’’بے پردگی وغیرہ کوئی قباحت نہ ہو تو عورت مسجد کی صفائی کی سعادت حاصل کر سکتی ہے ‘‘۔فقط و ﷲ اعلم بالصواب ۔(ص:118ج 9،احکام المساجد والمدارس ط: دارالاشاعت) فقط واللہ اعلم
فتوی نمبر : 144111201439
دارالافتاء : جامعہ علوم اسلامیہ علامہ محمد یوسف بنوری ٹاؤن