سوال

 موجودہ دور میں جو اوقات نماز کا ایپ" صلاتک یا پرییر ٹائم"  وغیرہ نام سے موجود ہے،  اس کا حکم اور اعتبار کیا ہے؟  آیا اس ایپ وغیرہ کے ذریعہ اوقات نماز کا اعتبار کیا جائے یا نہیں؟  ( salatuk & prayer time)

جواب

مذکورہ ایپ سے متعلق مکمل تحقیق اور اس کے تمام مندرجات کو مکمل دیکھے بغیر اس کی تصدیق یا تردید نہیں کی جاسکتی ہے، ہمیں اس کے بارے میں مکمل تحقیق نہیں ہے،  اس لیے اس کے متعلق کوئی رائے نہیں دے سکتے!  ہاں! اگر مستند اوقاتِ نماز کے   کسی کیلنڈر سے  اِس   کو ملا لیا جائے  اور ایپ میں موجود اوقات اُس کیلنڈر کے مطابق ہوں تو  یہ ایپ لائقِ اعتبار ہو گی۔

ہماری ویب سائٹ پر نمازوں کے اوقات کا نقشہ موجود ہے، آپ مطلوبہ  شہر (یا اس کے قریب ترین شہر) اور جامعہ علوم اسلامیہ کا معیار منتخب کرکے، نمازوں کے اوقات معلوم کرسکتے ہیں۔ فقط واللہ اعلم