سوال

آپریشن کے بعد انسانی پتہ کو کہاں دفن کرنا چاہئے؟

جواب

واضح رہے کہ انسانی اعضا بھی انسان ہی کی طرح معززو مکرم ہیں، جس طرح  انسان کو موت کی صورت میں دفن کیا جاتا ہے، بالکل اسی طرح انسان کے اعضاءاور اس کے متعلقات ، جب کسی بھی   وجہ سے اس کے جسم سےجدا ہو جائیں یا کیے جائیں، تو  اس كو  دفن کرنا ضروری ہے۔

لہذا صورتِ مسئولہ میں  پتہ کوزمین میں  دفن کردیاجائے۔

مبسوط سرخسی میں ہے:

"وإذا وجد عضو من أعضاء الآدمي كيد أو رجل لم يغسل ولم يصل عليه لكنه ‌يدفن."

(باب الشهيد، ج:2، ص:54، ط:دار المعرفة)

وفیہ ایضا:

"أن شعر الآدمي لا ينتفع به إكراما للآدمي بخلاف سائر الحيوانات وأن غائط الآدمي ‌يدفن وما ينفصل من سائر الحيوانات ينتفع به."

(كتاب الاجارات، ج:15، ص:125، ط:دارالمعرفة)

فقط واللہ اعلم