سوال

عوام میں یہ بات بہت مشہور ہے کہ اونٹ کو 7 جگہ سے ذبح کیا جاسکتا ہے، کیا یہ صحیح ہے؟  اگر صحیح ہے تو وہ جگہ کون کون سی ہیں؟

جواب

اونٹ کو سات جگہ سے ذبح کرنے کی بات درست نہیں ہے، بلکہ اونٹ میں ذبح کرنا مسنون طریقہ  نہیں ہے، گو جائز ہے، اونٹ کو کھڑا رکھ کر "نحر" کرنا مسنون ہے۔ البتہ جیسے دیگر جانوروں کو گردن کے ابتدائی، درمیانی اور انتہائی حصے سے ذبح کیا جاسکتا ہے، بشرطیکہ ذبح کی رگیں کٹ جائیں، اسی طرح اونٹ کی گردن کے درمیان یا ابتدائی یا انتہائی حصے میں ذبح یا نحر کردینے سے وہ حلال ہوجائے گا۔

النتف في الفتاوى للسغدي (1/ 227):

"و أما موضع الذبح فثلاثة: أعلا الحلق و أوسطه و أسفله،إلا أنّ المستحب في الإبل النحر، و في البقر و الشاة الذبح."

فقط واللہ اعلم