اولاد کے لیے وظیفہ بتادیں ، شادی کو 18 ماہ ہو گئے ہیں اولاد نہیں، ایک بار اسقاط حمل ہو چکا ہے دوبارہ حاملہ ہونا چاہتی ہوں ،کوئی وظیفہ بتا دیں ؟
ظاہری اسباب یعنی علاج معالجہ اختیار کرنے کے ساتھ صدق دل سے اللہ کے حضور اپنی بے چارگی کو بیان کر کے خوب خوب دعائیں مانگیں اور استغفار اور صدقہ کی کثرت کریں، نیز ہر نماز کے بعد میاں بیوی دونوں سات مرتبہ درج ذیل دعا کا اہتمام کریں، اللہ کی ذات سے قوی امید ہے کہ وہ ان کو اولاد کی نعمت عطا کردےگا:
﴿ رَبِّ لَا تَذَرْنِي فَرْدًا وّأََنتَ خَيْرُ الْوَارِثِينَ﴾
نیز بزرگوں سے یہ بھی منقول ہے کہ میاں بیوی ہم بستری سے پہلے سورۃ النجم کی آیات: پینتالیس، چھیالیس اور سینتالیس پڑھ لیا کریں۔ وہ یہ ہیں :
﴿ وَأَنَّهُ خَلَقَ الزَّوْجَيْنِ الذَّكَرَ وَالْأُنْثَى (45) مِنْ نُطْفَةٍ إِذَا تُمْنَى (46) وَأَنَّ عَلَيْهِ النَّشْأَةَ الْأُخْرَى (47) ﴾[النجم:45 - 48]
فقط واللہ اعلم
فتوی نمبر : 144402100308
دارالافتاء : جامعہ علوم اسلامیہ علامہ محمد یوسف بنوری ٹاؤن