سوال

آفس  میں  ساتھ  کام  کرنے والی ایک عورت جوکہ رشتہ دار نہیں، اس کے  ساتھ  بہن  بھائی  کا رشتہ رکھنا، قرآن و حدیث کی روشنی میں بیان کریں!

جواب

سگے  بہن بھائی وہ ہوتے  ہیں جو ایک مرد وعورت سے پیدا  ہوں،  اور  ان کا باہم نکاح حرام ہے، اسی طرح ماں یا باپ شریک بہن بھائی یا رضاعی بہن بھائیوں کا باہم نکاح حرام ہے۔اجنبی عورت کو بہن  کہنا بے عقلی کی بات  ہے۔  نیز غیر محارم سے اختلاط گناہ ہونے کے ساتھ کئی مفاسد پرمشتمل ہے، اس میں بدنگاہی بھی ہے، بلا ضرور ت بات کرنا بھی گناہ ہے اور یہی تعلقات آگے چل کر نہ صرف کسی بڑے گناہ کا پیش خیمہ بنتے ہیں، بلکہ خاندانی رسوائی کا بھی سبب بنتے ہیں۔

خلاصہ یہ کہ آفس میں ساتھ کام کرنے والی کو بہن کہنا  قطعاً درست نہیں، محض زبانی بات کر لینے سے کوئی بھائی بہن نہیں بن جاتا۔  فقط واللہ اعلم