سوال

 ایک آدمی نےدوسرے آدمی سے کہاکہ :"آپ کسی دوسرے آدمی سے جائزطریقے سے سوداکرکے پیسے حاصل کرلیں، تومیں آپ کےلیے ویزہ نکلواکر وہ آپ پربیچ دوں گا ،اگر میں نےآپ پر ویزہ نہیں بیچاتوآپ کےاس سودے میں (جو کسی دوسرے شخص سے ہوجائے)آپ کوجونقصان ہوگا،اُس کامیں ضامن ہوں  گا،وہ میں دوں گا "،اب انہوں نے ویزہ نہیں دیا ،توکیا ویزہ نہ دینے والےسے وہ نقصان لے سکتاہے ؟

جواب

صورتِ مسئولہ میں ویزہ نہ دینے والے شخص کادوسرے شخص کو یہ کہناکہ:" اگر میں نے آپ کوویزہ نہیں دیاتو آپ کے اِس سودے میں (جوکسی دوسرے شخص سے ہوجائے)آپ کوجونقصان ہو گا،اُس کامیں آپ کے لیے ضامن ہوں  گا"،یہ ضمان بالخسران (خسارہ اور نقصان اٹھانے کی ضمانت)ہے ،جو کہ باطل ہے،اس لیے اس کاکوئی اعتبار نہیں ،لہٰذا ویزہ نہ دینے والے شخص پر ویزہ نہ دینے کی صورت میں کوئی ضمان نہیں آئےگا۔

البنایہ شرح الہدایہ میں ہے:

"الضمان بالخسران فاسد، لأن الخسران ليس بمضمون على أحد ،لأن الكفالة والضمان إنما يصح بما هو مضمون فلا يصح ضمانه،كما قال لآخر: بائع في هذا السوق على أن كل وضيعة وخسران يصيبك فأنا ضامن به لك كان باطلا."

(كتاب الكفالة ،462/8، ط: دارالكتب العلمية)

فقط واللہ اعلم