کیا غیر مسلم کے انتقال کے موقع پر RIP کہہ سکتے ہیں؟
Rest in Peace چوں کہ دعائیہ کلمات ہیں اور غیر مسلم کے انتقال پر اس کے لیے دعا کرنے کی شریعت میں ممانعت ہے، لہذا غیر مسلم کی موت پر انگریزی میں ''RIP ''rest in peace کہنا درست نہیں، ان کی وفات پراگرتعزیت کرنی ہو تو اظہارِ افسوس کیا جائے، دنیاوی اعتبار سے تسلی کے الفاظ استعمال کیے جائیں، مرنے والے کے لیے دعائیہ کلمات استعمال نہ کریں۔
سورہ توبہ میں ہے:
{مَا کَانَ لِلنَّبِیِّ وَالَّذِینَ آمَنُوا أَنْ یَسْتَغْفِرُوا لِلْمُشْرِکِینَ وَلَوْ کَانُوا أُولِی قُرْبَی} [التوبة]
ترجمہ: نبی (ﷺ) اور ایمان والوں کے لیے روا نہیں کہ وہ دعائے مغفرت کریں مشرکین کے لیے اگرچہ وہ ان کے قریبی رشتہ دار ہوں۔
فقط واللہ اعلم
فتوی نمبر : 144110201459
دارالافتاء : جامعہ علوم اسلامیہ علامہ محمد یوسف بنوری ٹاؤن