سوال

لڑکی کی کان میں اذان کب دی جائے گی؟

جواب

 صورتِ  مسئولہ  لڑکی  کی پیدائش  کے بعد اس سے گندگی وغیرہ صاف کرکے اس کو  غسل کرانے کے بعد جس قدر جلد ہوسکے اس کے کان میں دائیں کان میں اذان اور بائیں کان میں اقامت کہی جائے؛ تاکہ دنیا میں آنے کے بعد  بچہ  کے  کان میں  سب سے پہلا  جو کلمہ  پڑے وہ اللہ کا نام ہو۔

اگر کسی بیماری کی وجہ سے طبی لحاظ سے بچےکو نہلانا مضر صحت ہو تو گندگی (خون وغیرہ) کی  صفائی کے بعد اذان واقامت کہی جائے،غسل کی وجہ سے اذان واقامت میں تاخیر نہ کی جائے۔

فتاوی محمودیہ میں ہے:

’’بچہ کو غسل دے کر پاک صاف کرکے دائیں کان میں پوری اذان اور بائیں  کان میں پوری اقامت کہی جائے۔‘‘

(ج:5،سوال نمبر:2256،ص:457،ط:ادارہ الفاروق)

فقط والله اعلم