سوال

امام صاحب نے فجر کی نماز میں آیت "ِانّه كان ظلوماً جهولاً"کی جگہ میں "وکان اللہ ظلوماً جھولاً"پڑھا، اب حکم کیا ہوگا؟ شہر کی مسجد ہے، ایک دن گزر گیا، اب کیا حکم ہے؟

جواب

بصورتِ مسئولہ امام صاحب کا نماز میں قراءت کے دوران  "ِانّه كان ظلوماً جهولاً" کے بجائے "وَکَانَ اللّہُ ظَلُوٗماً جَھُوٗلاً" پڑھنا اس طرح کی غلطی ہے جس کی وجہ سے معنی میں تغیر فاحش پیدا ہو رہاہے اور مقصود کے خلاف ترجمہ ہے، لہذا (اگر اسی رکعت میں اصلاح کرکے درست تلاوت نہیں کی گئی تو) امام صاحب اور مقتدیوں کی نماز فاسد ہوگئی ہے، جس کا اعادہ امام صاحب اور مقتدیوں پر لازم ہے، نیز مسجد کے امام پر لازم ہے کہ وہ مسجد میں مقتدیوں کو نماز کا اعادہ کرنے کا بتلائے۔

فتاوی ہندیہ میں ہے:

"وإن غيّر المعنى تغييرًا فاحشًا بأن قرأ "وعصى آدم ربه" بنصب الميم ورفع الرب، وما أشبه ذلك، مما لو تعمد به يكفر، إذا قرأ خطأً فسدت صلاته."

(الفصل الخامس في زلة القارى، ج:1، ص:81، ط:مكتبة رشيدية)

فقط والله اعلم