نماز کے بعد دعا مانگنا نہ صرف جائز ہے، بلکہ ایک مستحسن، مرغوب ومسنون عمل ہے، حدیث شریف میں دعا کو عبادت کا مغز کہا گیا ہے، جیسے کہ مروی ہے:

"عن أنس بن مالك : عن النبي صلى الله عليه و سلم قال الدعاء مخ العبادة".

(سنن الترمذی، أبواب الدعوات،  باب ما جاء في فضل الدعاء ، رقم الحدیث:3371، ج:4، ص:454، ط:داراحیاء التراث العربی)

ترجمہ:حضرت انس بن مالک رضی اللہ عنہ سے مروی ہے کہ حضوراکرم صلی اللہ علیہ وسلم نے فرمایا: دعا عبادت کا مغز (حاصل ونچوڑ) ہے۔

لہذا نماز کے بعد دعا مانگنے کا اہتمام کرنا چاہیے، تاکہ ادا کی گئی عبادت کے برکات سے محرومی نہ ہو۔

سنن الترمذی میں ہے:

"عن عمر بن الخطاب، قال: «كان رسول الله صلى الله عليه وسلم إذا رفع يديه في الدعاء، لم يحطهما حتى يمسح بهما وجهه»"

(أبواب الدعوات، باب ما جاء في رفع الأيدي عند الدعاء، رقم الحدیث:3386، ج:5، ص:463، ط:دارالکتب العلمیۃ)

فقط واللہ اعلم