سوال

میرے پاس نصاب سے کم سونا ہے اور 3 لاکھ نقد ہے تو مجھ پر زکوٰۃ واجب ہو گی یا نہیں ؟

جواب

واضح رہے کہ اگر سونا نصاب سے کم ہو لیکن اس کے ساتھ چاندی یا نقدی ہو اور مجموعی مالیت نصاب چاندی (ساڑھے باون تولے ) کی مالیت کے برابر ہو تو نصاب پر  سال پورا ہونے پر زکاۃ ادا کرنا لازم ہے ۔

صورتِ مسئولہ  میں سائل پر مذکورہ رقم اور سونا دونوں پر زکاۃ لازم ہے ۔

فتاوی شامی میں ہے:

"(وقيمة العرض) للتجارة (تضم إلى الثمنين)؛ لأن الكل للتجارة وضعاً وجعلاً (و) يضم (الذهب إلى الفضة) وعكسه بجامع الثمنية (قيمة)".

(رد المحتار,كتاب الزكاة,2/ 303ط:سعيد)

فقط واللہ اعلم