میری منگنی فروری 2020 میں ہوئی تھی، اب کچھ لوگ شادی میں رکاوٹ ڈالے ہوئے ہیں، کوئی حل بتائیں!
پنج وقتہ نمازوں کی ادائیگی اور دیگر فرائض بجالانے کے ساتھ ساتھ صدقِ دل سے نمازوں کے بعد اور تہجد و غروب کے وقت دعا مانگیں، اور صلاۃ الحاجات کا اہتمام کریں، اور { رَبِّ إِنِّي لِمَاأَنزَلْتَ إِلَيَّ مِنْ خَيْرٍ فَقِيرٌ} کا کثرت سے ورد کریں۔
اور نمازِ عشاء کے بعد اول وآخر گیارہ گیارہ مرتبہ درود شریف اوردرمیان میں گیارہ سومرتبہ ’’یاَلَطِیْفُ‘‘ پڑھ کراللہ تعالیٰ سے دعاکریں۔
یا
روزانہ فجر اور عشاء کے بعد اول وآخر گیارہ مرتبہ درود شریف اکتالیس ، اکتالیس مرتبہ سورۂ قریش،اور یا عَزِیزُ کا ورد رکھیں۔
نیز اس کے ساتھ ساتھ ہوسکے تو صبح و شام ایک ایک مرتبہ سورہ واقعہ اور سورہ طارق بھی پڑھ لیا کریں۔ فقط واللہ اعلم
فتوی نمبر : 144208200802
دارالافتاء : جامعہ علوم اسلامیہ علامہ محمد یوسف بنوری ٹاؤن