نکاح پڑھانے والا آدمی کیسا ہونا چاہیے؟
بہتر یہ ہے کہ نکاح پڑھانے والا شخص دیندار شخص ہو ، عالمِ دین ہو تو زیادہ بہتر ہے، اسی وجہ سے دستور یہ ہے کہ علماءِ کرام اور مسجد کے ائمۂ کرام سے نکاح کے خطبے دلوائے جاتے ہیں اور ان ہی کے ذریعے سے ایجاب اور قبول کروایا جاتا ہے ۔البتہ اگر کوئی عام شخص بھی نکاح کا خطبہ کہہ دے اور ایجاب اور قبول کروا لے تو نکاح منعقد ہو جاتا ہے۔
فتاویٰ شامی میں ہے:
"ویندب إعلانه وتقدیم خطبة، وکونه في مسجد یوم جمعة بعاقد رشید"... الخ
(الدرالمختار، کتاب النکاح، کراچی ۳/ ۸)
المبسوط للسرخسي (5/ 18):
"والمعنى فيه أن العاقد في باب النكاح سفير ومعبر".
فقط واللہ اعلم
فتوی نمبر : 144208200330
دارالافتاء : جامعہ علوم اسلامیہ علامہ محمد یوسف بنوری ٹاؤن