میری بھتیجی کا نکاح میرے بھتیجے سے ہوا، شادی کے تین ماہ بعد جھگڑا ہوا، لڑکی پانچ سال سے اپنے گھر پر ہی ہے، اب ہم صلح کروانا چاہ رہے ہیں، تو کیا تجدید نکاح کی ضرورت ہے، طلاق وغیرہ کچھ نہیں ہوئی ہے، بس علیحدگی ہی ہوئی ہے۔
صورت مسئولہ میں زوجین کے مابین نکاح کے بعد محض علیحدگی ہوئی ہے، کوئی طلاق وغیرہ نہیں دی گئی تو اس صورت میں نکاح بدستور قائم ہے، محض علیحدہ رہنے کی وجہ سے تجدید نکاح کی ضرورت نہیں۔ فقط واللہ اعلم
فتوی نمبر : 144304100730
دارالافتاء : جامعہ علوم اسلامیہ علامہ محمد یوسف بنوری ٹاؤن