سوال

توبہ کا جو رکن ہے گناہوں پہ ندامت ہونا اس میں گناہوں پر ندامت ہونے سے کیا مراد ہے؟میں نے کلمات کفر سے توبہ کر کے تجدید ایمان کیا الحمد اللہ ۔اور میرے سے جو کلمات کفر صادر ہوئے ان پہ میں نے سوچا کاش میرے سے نہ صادر ہوئے ہوتے لیکن اگلے ہی پل میں نے سوچا اللہ کی رحمت بہت وسیع و عریض ہے اور انسان سے گناہ ہو جاتا ہے اب تم توبہ کر لو اور آئندہ احتیاط کرنا تو کیا یہ گناہوں پہ ندامت کے زمرے میں نہیں آتا؟ نیز ایمان کی حالت میں موت حاصل ہونے کی کوئی  دعا بتا دیجیئے ۔

جواب

ندامت کہتے ہیں کہ  کسی کام کے کر نے کے بعد اس پر پشیمان ہو نا ،شرمندہ ہو نا ،اس کام کو برا  سمجھنا لہذا گناہ کا کام کر نے کے بعد اس پر پشیمان  شرمندہ بھی ہوں ، اور آئندہ نہ کر نے کاعزم بھی ہو ۔اگرکفریہ کلمات صادر ہوں تو زبان سے تجدید ایمان بھی کریں۔اچھے خاتمے کے لیے یہ دعا مانگتے رہنا چاہیے :

   «اللَّهُمَّ اجْعَلْ خَيْرَ عُمُرِي آخِرَهُ، اللَّهُمَّ اجْعَلْ ‌خَوَاتِيمَ ‌عَمَلِي رِضْوَانَكَ، اللَّهُمَّ اجْعَلْ خَيْرَ أَيَّامِى يَوْمَ أَلْقَاكَ»  اے اللہ میری عمر کے آخری حصے کو میری زندگی کا بہترین حصہ کردے، اور میرے آخری عمل میری زندگی کے بہترین عمل ہوں اور میرا سب سے اچھا دن وہ ہو جو تیرے حضور میں حاضری کا دن ہو، لہذا سائل    کثرت سے اس دعا کا اہتمام کرے ۔

(المعجم الاوسط للطبراني میں ہے :

"عن أنس بن مالك، قال: كان مقامي بين كتفي رسول الله صلى الله عليه وسلم، فكان إذا سلم قال: «اللهم اجعل خير عمري آخره، اللهم اجعل ‌خواتيم ‌عملي رضوانك، اللهم اجعل خير أيامى يوم ألقاك»".

(157/9، قاھرۃ)

القاموس الوحید میں ہے :

ندم : "کسی بات  کے کر نے کے بعد پشیمان ہونا وشرمندہ ہونا ، کر نے کے بعد اس کو برا سمجھنا "۔

(1628،ادارہ اسلامیات )

فقط واللہ اعلم