زکام یا سر درد کی وجہ سے نماز میں سجدہ کرتے وقت سر میں تکلیف ہوتی ہے ، کیا اس حالت میں اشارے سے سجدہ کرسکتے ہیں یا آدھا سجدہ یعنی سر زمین کے قریب لے جاںٔیں مگر زمین پر نہ رکھیں؟ راہ نمائی فرمائیں۔
صورتِ مسئولہ میں اگرزکام یا سر درد اتنا سخت ہے کہ سجدہ کرنے میں ناقابلِ برداشت تکلیف ہوتی ہے، تو زمین پر سجدہ کرنے کے بجائے اشارے سے سجدہ کرنے سے سجدہ ادا ہوجائےگا، تاہم اگر سجدہ کرنے سے ناقابل برداشت تکلیف محسوس نہیں ہورہی تو زمین پر سجدہ کرنا ضروری ہے، محض اشارے سے سجدہ کرنے سجدہ ادا نہیں ہوگا۔
فتاویٰ عالمگیری (الفتاوى الهندية ) میں ہے:
"وإن عجز عن القيام والركوع والسجود وقدر على القعود يصلي قاعدا بإيماء ويجعل السجود أخفض من الركوع".
(کتاب الصلوۃ، باب صلوۃ المریض، ج:1، ص:136، ط:مکتبہ رشیدیہ)
فقط واللہ اعلم
فتوی نمبر : 144406101539
دارالافتاء : جامعہ علوم اسلامیہ علامہ محمد یوسف بنوری ٹاؤن