سوال

اگر کسی کو اپنی ہی نظر لگتی ہو تو کیا پڑھے؟ 

جواب

نظر بد سے حفاظت اور اس کا اثر ختم کرنے کے لیے (خواہ اپنی نظر لگی ہو) درج ذیل معمولات اختیار کیے جائیں:

1۔سورۂ فاتحہ ، آیۃ الکرسی ،معوذتین اور مندرجہ ذیل دعاپڑھیں:

" أَعُوذُ بِكَلِمَاتِ اللهِ التَّامَّةِ مِنْ كُلِّ شَيْطَانٍ وَهَامَّةٍ ، وَمِنْ كُلِّ عَيْنٍ لاَمَّةٍ."(اسوۂ رسول اکرم ﷺ)

2۔ جس کو نظرِبد لگ جائے تواس کو رسول اللہ صلی اللہ علیہ وسلم کے اس قولِ مبارک سے دم کیا جائے :

"بِسْمِ اللهِ اَللّٰهُمَّ أَذْهِبْ حرَّهَا وَبَردَهَا وَوَصْبَهَا". 

ترجمہ :اللہ کے نام پر، اے اللہ تواس (نظربد)کے گرم وسرد کو اوردکھ درد کو دورکردے ۔

اس کے بعد یہ کلما ت کہے :

"قُمْ بِـإِذنِ اللهِ"!

 ترجمہ : اللہ کے حکم سے کھڑا ہو جا ۔(حصن حصین )

فقط واللہ اعلم