کیا نذر کا گوشت غیر مسلمانوں میں تقسیم کیا جاسکتا ہے؟
نذر صدقات واجبہ میں سے ہے، جس کا مصرف زکات کا مصرف ہے، یعنی جس طرح زکات غیر مسلم کو دینا جائز نہیں، اسی طرح سے نذر کا مال بھی غیر مسلم کو دینا جائز نہیں، لہذا صورتِ مسئولہ نذر کا گوشت غیر مسلموں میں تقسیم کرنے کی شرعًا اجازت نہ ہوگی۔
فتاوی شامی میں ہے:
’’و هو مصرف أيضًا لصدقة الفطر والكفارة والنذر وغير ذلك من الصدقات الواجبة كما في القهستاني.‘‘
( كتاب الزكاة، باب المصرف، ٢ / ٣٣٩، ط: دار الفكر)
فقط واللہ اعلم
فتوی نمبر : 144212201058
دارالافتاء : جامعہ علوم اسلامیہ علامہ محمد یوسف بنوری ٹاؤن