سوال

بائیس ہزار روپے اور ڈھائی  تولہ سونا پر کتنی زکوۃ ہے ؟

جواب

صورتِ  مسئولہ میں زکوۃ  کی ادائیگی کے دن  سونے  کی بازاری قیمت لگائی  جائے گی اور اس میں بائیس ہزار روپے جمع کرکے مجموعی مالیت  (میں سے اگر کوئی قرض یا واجب الادا اخراجات ہیں، انہیں منہا کرکے باقی رقم) کا ڈھائی فیصد زکوۃ میں ادا کیا جائے گا۔سونے کی قیمت ،سونے کا معیار بتلاکر کسی سنار سے معلوم کی جاسکتی ہے۔

یہ یاد رہے کہ سونے کی زکوۃ میں قیمتِ فروخت کا اعتبار ہے، یعنی زکوۃ کی ادائیگی کے دن جو قیمت مارکیٹ میں رائج ہوگی، اس قیمت کا اعتبار کیا جائے گا،قیمتِ  خرید کا اعتبار نہیں کیاجائے گا۔

فقط واللہ اعلم