سوال

کیا ناپاکی کی حالت میں قبرستان جاسکتے ہیں ؟ 

جواب

صورت مسئولہ میں ناپاکی کی  حالت میں قبرستان  جانا جائز ہے البتہ افضل یہ ہےکہ پاکی کی حالت میں قبرستان جائیں۔

 فتاوی محمودیہ میں ہے ۔

 سوال[۴۳۰۴ ] : کیا فرماتے ہیں علمائے دین و مفتیان شرع متین اس مسئلہ میں کہ کسی شخص کا ناپاکی  میں قبرستان میں قبرستان میں یا قبر کے پاس جانا کیسا ہے یعنی حالت جنابت میں ؟بینوا توجروا۔

الجواب حامدا ومصلیا 

 قبر کی زیار ت کے لئے پاکی کی حالت میں جانا چاہئے کیونکہ وہاں جاکر قرآن شریف پڑھنا بھی مسنون ہے اور قرآن شریف ناپاکی کی حالت میں پڑھناناجائز ہے اگر قرآن شریف نہ پڑھے تو بحالت جنابت جانا بھی گناہ نہیں البتہ خلاف افضل ضرور ہے : والأفضل أن يكون يوم الخميس متطهرا۔ 

( باب زیارۃ القبور جلد ۹ ، ص : ۱۹۱ ) 

فقط واللہ اعلم