سوال

 میرے پاخانہ نکلنے کی جگہ پر مجھے لیس دار سی نمی محسوس ہوتی ہے، کیا اس سے میرا وضو ٹوٹ جاتا ہے؟

جواب

اگر یہ یقین ہے کہ پاخانہ کے راستے سے کوئی تری نکلی ہے تو وضو ٹوٹ جائے گا، لیکن اگر شک ہے اور استنجا کے بعد پانی کی نمی یا پسینے کو نکلنے والی تری گمان کیا جارہا ہے تو اس شک کا اعتبار نہیں۔

ہاں! اگر سائل کو بواسیر کا مرض ہے، جس کی وجہ سے مقعد سے رطوبت نکلنے کا امکان رہتاہے تو اسے احتیاطاً وضو سے پہلے یہ رطوبت صاف کرنی چاہیے۔

(قوله: ولو شك إلخ) في التتارخانية: من شك في إنائه أو في ثوبه أو بدن أصابته نجاسة أو لا فهو طاهر ما لم يستيقن.

(الدر المختار وحاشية ابن عابدين 1/ 151 ط:سعيد)

فقط و الله أعلم