میری نانی کا انتقال ہوگیا ہے، دورانِ علاج نانی کو کسی نے گولڈ (سونا) گفٹ کیا تھا، وہ ہم نے بیماری کی وجہ سے گولڈ کو فروخت کردیا تھا، اب اس میں ہمارے پاس پچاس ہزار ہمارے پاس ہے، اب ہم ان پیسوں کا کیا کریں ، میری نانی کے چار بھائی اور چار بہنیں ہیں!
صورتِ مسئولہ میں نانی کو گفٹ میں ملا ہوا سونا اگر آپ نے نانی کے ہوش وحواس میں ان سے اجازت لے کر فروخت کرکے وہ رقم ان کے علاج پر لگائی تھی تو ایسا کرنا جائز تھا، اب ان کے انتقال کے بعد جس قدر رقم بچی ہے وہ ان کا ترکہ شمار ہوگا، جو ان کے ورثاء میں شرعی حصص کے مطابق تقسیم ہوگا۔
نانی کے ترکہ کی تقسیم معلوم کرنے کے لیے ان کے ورثاء کی تفصیل معلوم ہونا ضروری ہے کہ ان کی اولاد موجود ہے یا نہیں ، اگر اولاد نہیں تو پوتے/پوتیاں موجود ہیں یا نہیں ہیں؟ اس کی تفصیل بتاکر ترکہ کی تقسیم کا ترکہ معلوم کرلیں۔فقط واللہ اعلم
فتوی نمبر : 144111200833
دارالافتاء : جامعہ علوم اسلامیہ علامہ محمد یوسف بنوری ٹاؤن