سوال

 زید نے اسلم کے عیوب اس کی غیر موجودگی میں بغیر اسلم کا نام  لیے لوگوں کے سامنے بیان کردیے  تو کیا یہ غیبت ہوئی؟

جواب

غیبت کا مطلب ہے کسی کی پیٹھ پیچھے اس کا ایسا تذکرہ کرنا جو اس کے سامنے کیا جائے تو اسے برا لگے، اگر  وہ بات اس شخص میں موجود  ہو تبھی یہ غیبت ہے،اگر وہ بات اس شخص میں موجو دنہ ہو اور کہی جائے تو یہ بہتان ہے جو غیبت سے زیادہ قبیح ہے،باقی  غیبت کے لیے نام لینا ضروری نہیں ،  اگر   بغیر نام لیے اس طور پر غیبت کی کہ  قرائن سے  یا اشارے کنائے  سے سامعین کو پتہ چل گیا فلاں فلاں کی بات ہورہی ہے تو یہ بھی غیبت میں شامل ہوگا ۔

مزید تفصیل کے  لیے درج ذیل لنک پر فتوی ملاحظہ فرمائیں:

غیبت کی جائز اور ناجائز صورتیں

فقط واللہ اعلم