میں نے کچھ لوگوں سے سنا ہے کہ تین صفوں کے بعدآپ نماز پڑھنے والے کے آگے سے نکل سکتے ہیں ۔کیا فرماتے ہیں اس بارے میں علماء کرام ؟
نمازپڑھنے والے کے آگے سے چھوٹی مسجدیا چھوٹے مکان میں گزرنا ناجائزہے جب تک کہ اس کے آگے کوئی آڑ نہ ہو،اور بڑی مسجد یا بڑامکان یا میدان ہو تواتنے آگے سے گزرناجائز ہے کہ اگر نمازی اپنی نظر سجدہ کے جگہ پر رکھے تو فزرنے والااسے نظر نہ آئے جس کا اندازہ نمازی کی جائے قیام سے تین صف آگے تک کیا گیا ہے یہ اندازہ کھلے میدان یا بڑی جگہ کے لیے بتایا جاتاہے۔چھوٹی مسجدیا محدود جگہ کے لیے نہیں ہے۔ فقط واللہ اعلم
فتوی نمبر : 143101200488
دارالافتاء : جامعہ علوم اسلامیہ علامہ محمد یوسف بنوری ٹاؤن